ഉമ്മൻ‌ചാണ്ടിയെ വിദഗ്ധ ചികിത്സക്കായി ബാംഗ്ലൂരിൽ കൊണ്ടുപോയെക്കും1 min read

10/2/23

 

തിരുവനന്തപുരം :ഉമ്മൻ‌ചാണ്ടിയുടെ ആരോഗ്യനിലയിൽ പുരോഗതി. വിദഗ്ധ ചികിത്സക്കായി ബാംഗ്ലൂരിൽ കൊണ്ടുപോകാൻ സാധ്യത.മെഡിക്കല്‍ ബോര്‍ഡ് ഇക്കാര്യം ഉള്‍പ്പെടുത്തി റിപ്പോര്‍ട്ട് മുഖ്യമന്ത്രിക്ക് കൈമാറിയതായി റിപ്പോർട്ടുണ്ട്.

വ്യാഴാഴ്ച രാവിലെ ബോര്‍ഡ് അംഗങ്ങള്‍ നെയ്യാറ്റിന്‍കരയിലെ ആശുപത്രിയിലെത്തി ഉമ്മന്‍ചാണ്ടിയെ കണ്ടത്. ബംഗളൂരുവില്‍ ഡോ വികാസ് റാവുവിന്റെ കീഴിലുള്ള ചികിത്സ തുടരാന്‍ താല്‍പ്പര്യമുണ്ടെന്ന് ഉമ്മന്‍ചാണ്ടി അറിയിക്കുകയായിരുന്നു.

അതേസമയം, ഉമ്മന്‍ചാണ്ടിയുടെ ആരോഗ്യാവസ്ഥ പൂര്‍വ സ്ഥിതിയിലേക്ക് എത്തിയതായി ചികിത്സിക്കുന്ന ഡോക്ടര്‍ മഞ്ജു തമ്ബി മാധ്യമങ്ങളോട് പറഞ്ഞു. അദ്ദേഹത്തിന്റെ തുടര്‍ ചികിത്സയ്ക്കായി മറ്റൊരു ആശുപത്രിയിലേക്ക് കൊണ്ടുപോകുന്നതില്‍ പ്രശ്‌നമില്ല. ഇക്കാര്യം കുടുംബാംഗങ്ങളെയും അദ്ദേഹത്തെയും അറിയിച്ചിട്ടുണ്ട്. അവരുടെ തീരുമാനത്തിനായി കാത്തിരിക്കുകയാണെന്നും ഡോക്ടര്‍ പറഞ്ഞു.

ഉമ്മന്‍ചാണ്ടിയെ മറ്റൊരു ആശുപത്രിയിലേക്ക് മാറ്റുകയാണെങ്കില്‍ അതിനാവശ്യമായ എല്ലാ സഹായവും ചെയ്യും. രണ്ട് ഡോക്ടര്‍മാരെയും രണ്ട് പാരാമെഡിക്കല്‍ സ്റ്റാഫ് കൂടെ പോകാന്‍ തയ്യാറായി ഇരിക്കുന്നുണ്ട്. അങ്ങനെ ഒരു റിക്വസ്റ്റ് വരികയാണെങ്കില്‍ ആശുപത്രി ജീവനക്കാര്‍ കൂടെ പോകും. ന്യൂമോണിയ പൂര്‍ണമായി മാറിയിട്ടുണ്ട്. തുടര്‍ചികിത്സയ്ക്കായി പോകണമെന്നാണ് അദ്ദേഹവും അറിയിച്ചതെന്ന് ഡോക്ടര്‍ മഞ്ജു മാധ്യമങ്ങളോട് പറഞ്ഞു.

Leave a Reply

Your email address will not be published. Required fields are marked *