30/6/22
തിരുവനന്തപുരം :സംസ്ഥാനത്ത് പ്ലസ് വൺ പ്രവേശനത്തിനുള്ള അപേക്ഷ സമർപ്പണം ജൂലൈ 4 മുതൽ ആരംഭിക്കും . ഈ വർഷം മുതൽ നീന്തലിന് ബോണസ് പോയിന്റ് ഇല്ല. LSS, USS, NMMS വിജയികൾക്കും +1 പ്രവേശനത്തിൽ മുൻഗണന നൽകും.ഭേഗദതി വരുത്തിയ പ്രോസ്പെക്ടസിന് അംഗീകാരം വൈകിയ സാഹചര്യത്തിൽ പ്ലസ് വൺ ഏകജാലക പ്രവേശന നടപടികൾ ആരംഭിക്കുന്നത് ജൂലൈ നാലിലേക്ക് നീളും. ബുധനാഴ്ച പൊതുവിദ്യാഭ്യാസ മന്ത്രി വി. ശിവൻകുട്ടിയുടെ സാന്നിധ്യത്തിൽ നടന്ന യോഗത്തിലാണ് തീരുമാനം.
പ്രൊസ്പെക്ടസ് സർക്കാർ അംഗീകാരത്തിനു ശേഷം ജൂലൈ മൂന്നിനകം പ്രസിദ്ധീകരിക്കും. നാലു മുതൽ ഓൺലൈൻ അപേക്ഷ സമർപ്പണം തുടങ്ങാനും ധാരണയായി. നേരത്തേ ജൂലൈ ഒന്നിന് തുടങ്ങാനായിരുന്നു ധാരണ.
പ്രവേശനത്തിന്‍റെ ആദ്യഘട്ടത്തിൽ തന്നെ പാലക്കാട് മുതൽ കാസർകോട് വരെയുള്ള ജില്ലകളിലും തിരുവനന്തപുരത്തും സർക്കാർ സ്കൂളുകളിൽ 30 ശതമാനവും എയ്ഡഡ് സ്കൂളുകളിൽ 20 ശതമാനവും സീറ്റ് വർധിപ്പിക്കാനുള്ള ശിപാർശയും മന്ത്രിതല യോഗം അംഗീകരിച്ചു. കൊല്ലം, എറണാകുളം, തൃശൂർ ജില്ലകളിൽ 20 ശതമാനം സീറ്റ് വർധനയും അനുവദിക്കും.