എം. ബി. രാജേഷ് മന്ത്രിയാകും, എ എൻ.ഷംസീർ സ്പീക്കർ, എം. വി. ഗോവിന്ദൻ മന്ത്രിസ്ഥാനം രാജിവച്ചു1 min read

2/9/22

തിരുവനന്തപുരം :എം. വി. ഗോവിന്ദൻ സിപിഎം സംസ്ഥാന സെക്രട്ടറിയായ സാഹചര്യത്തിൽ എം. ബി. രാജേഷ് മന്ത്രിയാകും.എം ബി രാജേഷിന് പകരം എ എന്‍ ഷംസീര്‍ സ്പീക്കറാകും. ഇന്ന് ചേര്‍ന്ന സിപിഐഎം സംസ്ഥാന സെക്രട്ടേറിയേറ്റിലാണ് തീരുമാനം.

എം വി ഗോവിന്ദന്‍ മന്ത്രി സ്ഥാനം രാജി വച്ചു . എം ബി രാജേഷിന്റെ വകുപ്പ് സംബന്ധിച്ച്‌ തീരുമാനമായിട്ടില്ല. തദ്ദേശം, എക്‌സൈസ് വകുപ്പുകളാണ് എം വി ഗോവിന്ദന്‍ കൈകാര്യം ചെയ്തിരുന്നത്. പാലക്കാട് തൃത്താലയില്‍ നിന്നുള്ള നിയമസഭാംഗമാണ് എം ബി രാജേഷ്. തലശേരിയില്‍ നിന്നുള്ള എംഎല്‍എയാണ് എ എന്‍ ഷംസീര്‍.

അനാരോഗ്യം മൂലം കോടിയേരി ബാലകൃഷ്ണന്‍ പാര്‍ട്ടി സെക്രട്ടറി സ്ഥാനം ഒഴിഞ്ഞതോടെയാണ് പകരം എം വി ഗോവിന്ദനെ തെരഞ്ഞെടുത്തത്. മുഖ്യമന്ത്രി പിണറായി വിജയന്‍, സിപിഐഎം ജനറല്‍ സെക്രട്ടറി സീതാറാം യെച്ചൂരി, പിബി അംഗങ്ങളായ പ്രകാശ് കാരാട്ട്, എം എ ബേബി തുടങ്ങിയവര്‍ പങ്കെടുത്ത സംസ്ഥാന കമ്മിറ്റി യോഗമായിരുന്നു സംസ്ഥാന സെക്രട്ടറിയെ തെരഞ്ഞെടുത്തത്.

Leave a Reply

Your email address will not be published. Required fields are marked *