തിരുവനന്തപുരം :നെഹ്റു യുവകേന്ദ്രയും ഗ്ലോബൽ ഗിവേഴ്‌സ് ഫൗണ്ടേഷനും സംയുക്തമായി സംഘടിപ്പിച്ചു വരുന്ന മൻ കീ ബാത് ക്വിസ് മത്സരങ്ങളുടെ നാലാം സീസണ് നാളെ (ഒക്ടോബർ 18, വെള്ളി) തുടക്കമാകും.
തിരുവനന്തപുരം കാര്യവട്ടം എല്‍എന്‍സിപിഇയിൽ നടക്കുന്ന ചടങ്ങിൻ്റെ ഉദ്ഘാടനം കേന്ദ്ര ശാസ്ത്ര സാങ്കേതിക വകുപ്പ് മന്ത്രി ഡോ. ജിതേന്ദ്ര സിംഗ് ഉദ്ഘാടനം നിർവഹിക്കും.
മുൻ കേന്ദ്രമന്ത്രി വി. മുരളീധരൻ അധ്യക്ഷത വഹിക്കും.
വിദ്യാർത്ഥികൾക്കായി ക്വിസ് മൽസരത്തോടൊപ്പം പ്രസംഗ മത്സരവും സംഘടിപ്പിക്കുന്നുണ്ട്.
സ്പോർട്സ് അതോറിറ്റി ഓഫ് ഇന്ത്യയുമായും ലക്ഷ്മി ബായി നാഷനൽ കോളജ് ഓഫ് ഫിസിക്കൽ എഡ്യൂക്കേഷനുമായും സഹകരിച്ചാണ് നാലാം സീസണിൻ്റെ
ഉദ്ഘാടന ചടങ്ങുകൾ ഒരുങ്ങുന്നത്.
പ്രധാനമന്ത്രിയുടെ റേഡിയോ പ്രഭാഷണ പരിപാടിയുടെ പ്രചരണാർത്ഥം നടന്നുവരുന്ന ക്വിസ് മത്സരങ്ങളുടെ മുൻ ലക്കങ്ങൾ വലിയ വിജയമായിരുന്നു.