തിരുവനന്തപുരം :സംസ്ഥാന സർക്കാരിനെ പുകഴ്ത്തിയതിന്റെ പേരിൽ ശശി തരൂരിനെതിരെ കോൺഗ്രസ്‌ നേതാക്കൾ.കോൺഗ്രസ്‌ നയങ്ങൾക്ക് വിരുദ്ധമാണ് തരൂരിന്റെ പ്രസ്താവനയെന്നും, നടപടിഎടുക്കേണ്ടത് ഹൈകമാൻഡ് ആണെന്നും നേതാക്കൾ പറഞ്ഞു.
അതിനിടെ തരൂരിന്റെ പ്രസ്താവനയിൽ മുസ്ലിം ലീഗിനും അതൃപ്തി. ലേഖനത്തിൽ കുഞ്ഞാലികുട്ടിയെ വിസ്മരിച്ചു വെന്ന പരാതിയാണ് ലീഗിന്നുള്ളത്.
അതേസമയം ലേഖനത്തിനെതിരെയുള്ള വിമർശനങ്ങൾ കണക്കിലെടുത്ത് നിലപാടിൽ മാറ്റം വരുത്തി തരൂരിന്റെ പുതിയ fb പോസ്റ്റ്‌.ഉമ്മൻ‌ചാണ്ടിയേയും, ആന്റണിയേയും, കുഞ്ഞാലികുട്ടിയേയും ലേഖനത്തിൽ പുകഴ്ത്തുന്നു.
ശശി തരൂരിന്റെ പുതിയ FB പോസ്റ്റ്‌
“എന്റെ ഇന്ത്യൻ എക്സ്പ്രസിൽ വന്ന ലേഖനത്തിൽ കഴിഞ്ഞ ഉമ്മൻ ചാണ്ടി സർക്കാരിൻ്റെ കാലത്ത് നേടിയ വ്യവസായ സാങ്കേതികവിദ്യ പുരോഗതി പരാമർശിക്കാത്തത് ചിലർ ചൂണ്ടിക്കാണിക്കുകയുണ്ടായി. അത് മനപ്പൂർവമല്ല.
ആ ലേഖനത്തിൽ പ്രതിപാദിച്ചിരുന്നത് നിലവിലെ സിപിഎം നേതൃത്വം നൽകുന്ന സർക്കാർ കഴിഞ്ഞ കാലങ്ങളിൽ സാങ്കേതികവിദ്യക്കും വ്യവസായ വളർച്ചയ്ക്കും പിന്തിരിഞ്ഞ് നിന്ന സമീപനങ്ങളിൽ ഒരു മാറ്റം വരുത്തിയിരിക്കുന്നു എന്നു പറയുന്നത് കേരളത്തിന് ഗുണം ചെയ്യുന്നുണ്ടോ എന്ന വിഷയത്തെ കുറിച്ചായിരുന്നു.
ഉമ്മൻ ചാണ്ടി സർക്കാരിൽ വ്യവസായ വിവരസാങ്കേതികവിദ്യ വകുപ്പുകൾ കൈകാര്യം ചെയ്തിരുന്ന ശ്രീ പി കെ കുഞ്ഞാലിക്കുട്ടിയുടെ നേതൃത്വത്തിൽ വലിയ നേട്ടങ്ങൾ കൈവരിക്കുകയും കേരളത്തിന് കാതലായ വളർച്ച നേടിക്കൊടുക്കുകയും ചെയ്തിട്ടുണ്ട്.
കേരളത്തിൽ ആദ്യമായി ഒരു ഗ്ലോബൽ ഇൻവെസ്റ്റർ മീറ്റ് എ കെ ആൻറണി സർക്കാറിൻ്റെ കാലത്ത് നടത്തിയതും ശ്രീ പി കെ കുഞ്ഞാലിക്കുട്ടിയുടെ നേതൃത്വത്തിൽ ആയിരുന്നു.
സിപിഎമ്മിന്റെ ഇതുവരെയുള്ള പൊതു നയം ഇക്കാര്യത്തിൽ വ്യവസായ നിക്ഷേപ അനുകൂലമല്ലാതിരുന്നതിൽ മാറ്റങ്ങൾ വരുത്തിയെന്ന് നിലവിലെ വ്യവസായ മന്ത്രി പറയുകയും അവതരിപ്പിക്കുകയും ചെയ്ത കണക്കുകൾ ആയിരുന്നു എൻ്റെ ലേഖനത്തിന്റെ പ്രധാന പ്രതിപാദ്യം.