നെയ്യാറ്റിൻകര : വിഴിഞ്ഞം മുക്കോലയിൽ നിന്ന് 9 കിലോഗ്രാം കഞ്ചാവുമായി രണ്ട് യുവാക്കൾ പിടിയിൽ . . വിഴിഞ്ഞം കരിമ്പള്ളിക്കര സ്വദേശി അജീഷ് (33) പൂന്തറ സ്വദേശി ഫിറോസ് ഖാൻ ( 36 ) എന്നിവരയാണ് നെയ്യാറ്റിൻകര എക്സൈസ് റേഞ്ച് സംഘം പിടികൂടിയത്. ഫിറോസിന്റെ കൈയിൽ നിന്ന് 3 കിലോ കഞ്ചാവും , അജീഷിന്റെ 6 കിലോ കഞ്ചാവുമാണ് എക്സൈസ് റേഞ്ച് സംഘം കണ്ടെത്തിയത്.
ഓട്ടോറിക്ഷയിൽ കറങ്ങി നടന്നാണ് ഫിറോസ് കഞ്ചാവ് വിൽപ്പന നടത്തുന്നത്. അതേസമയം അജീഷ് സ്വന്തം വീടിനുള്ളിലാണ് ഒളിപ്പിച്ചാണ് കച്ചവടം നടത്തുന്നത്. വിപിണിയിൽ തന്നെ 4, 00, 000 / ലക്ഷം രൂപയോളം വിലവരുന്ന കഞ്ചാവാണ് കണ്ടെടുത്തത്. പരിശോധനയിൽ നെയ്യാറ്റിൻകര എക്സൈസ് റെയിഞ്ച് ഇൻസ്പെക്ടർ ജെ.എസ് പ്രശാന്ത്, അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) മാരായ കെ. രജികുമാർ , ജി. സുനിൽരാജ്, സിവിൽ എക്സൈസ് ഓഫീസർമാരായ അനീഷ്.എസ്.എസ് , ലാൽകൃഷ്ണ യു.കെ , പ്രസന്നൻ , വനിതാ സിവിൽ എക്സൈസ് ഓഫീസർ പി.ശാലിനി എന്നിവരാണ് പരിശോധനയിൽ ഉണ്ടായിരുന്നത്.