ബൈജൂസ് സാമ്പത്തിക പ്രതിസന്ധിയിൽ , നൂറോളം ജീവനക്കാർ വീണ്ടും പുറത്തേക്ക്1 min read

സാമ്പത്തിക പ്രതിസന്ധി നേരിടുന്ന ബൈജൂസിൽ വീണ്ടും കൂട്ടപിരിച്ചുവിടൽ. റിപ്പോർട്ടുകൾ പ്രകാരം, വിവിധ ഓഫീസുകളിൽ നിന്ന് നൂറോളം ജീവനക്കാരെയാണ് ബൈജൂസ് പുതുതായി പിരിച്ചുവിട്ടിരിക്കുന്നത്. പെർഫോമൻസ് വിലയിരുത്തിയാണ് പിരിച്ചുവിടൽ നടത്തിയിട്ടുള്ളതെന്ന് ബൈജൂസ് വ്യക്തമാക്കിയിട്ടുണ്ട് . 400 പേരെ പിരിച്ചുവിടാൻ തീരുമാനിച്ചിട്ടുണ്ടെങ്കിലും, 100 പേർക്ക് മാത്രമാണ് ഇപ്പോൾ നോട്ടീസ് നൽകിയിട്ടുള്ളത്. ജീവനക്കാരുടെ പ്രവർത്തന മികവ് വിലയിരുത്താൻ കമ്പനി നേരത്തെ തീരുമാനിച്ചിരുന്നു.

പ്രോഡക്റ്റ് എക്സ്പോർട്ട് വിഭാഗത്തിൽ ജോലി ചെയ്യുന്ന 400 ഓളം പേരെയാണ് പിരിച്ചുവിടൽ കൂടുതലായി ബാധിക്കാൻ സാധ്യതയുള്ളത് . സാമ്പത്തിക പ്രതിസന്ധി രൂക്ഷമായതിനാൽ കഴിഞ്ഞ ജൂൺ മാസം ആയിരത്തോളം തൊഴിലാളികളെ പിരിച്ചുവിട്ടിരുന്നു. 2022 നവംബർ മുതൽ ഇതുവരെ 3000-ലധികം തൊഴിലാളികളാണ് ബൈജൂസിൽ നിന്ന് പടിയിറങ്ങിയത്. ഒരു കാലത്ത് ലോകത്തിലെ ഏറ്റവും മൂല്യമുള്ള സ്റ്റാർട്ടപ്പ് കമ്പനികളിൽ ഒന്നായിരുന്നു ബൈജൂസ്.