തിരുവനന്തപുരം: കേരളത്തിൽ ഇടതുമുന്നണിയുടെ ഭരണത്തെ വിശകലനം ചെയ്ത് കൊണ്ട് “കേരള സ്റ്റോറി: ഒരു വഞ്ചനയുടെ കഥ” എന്ന പേരിൽ ദില്ലി കേന്ദ്രമായി പ്രവർത്തിക്കുന്ന പബ്ലിക് പോളിസി റിസർച്ച് സെൻ്റർ ഇൻഫോഗ്രാഫിക് റിപ്പോർട്ട് പുറത്തിറക്കി.
ബിജെപി ദേശീയ നിർവാഹക സമിതി അംഗം പി.കെ. കൃഷ്ണദാസ്, സംസ്ഥാന വക്താവ് സന്ദീപ് വാചസ്പതി,
പബ്ലിക് പോളിസി റിസർച്ച് സെൻ്റർ (പിപിആർസി) ഡയറക്ടർ ഡോ. സുമീത് ഭാസിൻ എന്നിവർ
ചേർന്നാണ് റിപ്പോർട്ട് പുറത്തിറക്കിയത്.
വിവിധ മേഖലകളിൽ കേരളം നേരിടുന്ന വെല്ലുവിളികളെ കുറിച്ച് പി പി ആർ സി അവലോകനം നടത്തി. അപര്യാപ്തമായ ബജറ്റ് വിഹിതവും നയങ്ങളുംമൂലം വർദ്ധിച്ചുവരുന്ന ധനകമ്മിയും പൊതുകടവും കാരണം വഷളായിക്കൊണ്ടിരിക്കുന്ന ധനസ്ഥിതി കേരളത്തിൻ്റെ മൊത്തത്തിലുള്ള പുരോഗതിയെ തടസ്സപ്പെടുത്തുന്നു.
രാഷ്ട്രീയ അതിക്രമങ്ങൾ, സ്ത്രീകൾക്കെതിരായ കുറ്റകൃത്യങ്ങൾ, വർദ്ധിച്ചുവരുന്ന മയക്കുമരുന്ന് പ്രശ്‌നങ്ങൾ എന്നിവ ചൂണ്ടിക്കാണിക്കുന്നത് സംസ്ഥാനത്തെ ഭരണ പരാജയത്തിൻ്റെയും ക്രമസമാധാനനില തകർന്നതിൻ്റെയും തെളിവാണ്.
കേരളത്തിൻ്റെ ആരോഗ്യമേഖല വെല്ലുവിളികളെ നേരിടുകയാണ്.
സംസ്ഥാന സർക്കാരിൻ്റെ ഇൻഷുറൻസ് പദ്ധതിയിലെ സാമ്പത്തിക ഞെരുക്കവും സർക്കാർ ആശുപത്രികളിലെ മരുന്നുക്ഷാമവും ആരോഗ്യ രംഗത്തെ കേന്ദ്രപദ്ധതികളെ വേണ്ട രീതിയിൽ പ്രയോജനപ്പെടുത്താത്തതുകൊണ്ടാണ്.
അശാസ്ത്രീയമായ കൃഷിരീതികൾ, വർധിച്ച കീടനാശിനി ഉപയോഗം കൃഷിയിടങ്ങൾ ചുരുങ്ങുന്നത് തുടങ്ങി കാർഷികമേഖലയിൽ കേരളം വലിയ പ്രതിബന്ധങ്ങളെ നേരിടുകയാണ്. ഈ വെല്ലുവിളികൾക്കിടയിലും പ്രധാനമന്ത്രി മോദിയുടെ നേതൃത്വത്തിലുള്ള കേന്ദ്രസർക്കാരിൻ്റെ സംരംഭങ്ങൾ സംസ്ഥാനത്തിന് നിർണായക പിന്തുണയാണ് വാഗ്ദാനം ചെയ്യുന്നത്.
നിലവിലെ സാമ്പത്തിക സ്ഥിതി നോക്കുമ്പോൾ, കേരളത്തിൻ്റെ സാമ്പത്തിക രംഗം കൂടുതൽ ഭീകരമായി കാണപ്പെടുന്നു. സാമ്പത്തിക ശക്തിയുടെ നിർണായക സൂചകമായ ധനക്കമ്മി, 2022-23ൽ 2.44% ആയിരുന്നത് 2024-25ൽ 3.40% ആയി ഉയർന്നു, ഇത് ഡെബ്റ്റ് മാനേജ്‌മെൻ്റിലെ അസ്ഥിരതയെ സൂചിപ്പിക്കുന്നു. അതേസമയം, റവന്യൂ കമ്മി സമാനമായി ഒരു പ്രതീക്ഷക്കും വകനൽകുന്നില്ല. 2022-23 ലെ മൊത്ത സംസ്ഥാന ആഭ്യന്തര ഉൽപ്പാദനത്തിൻ്റെ 0.88% ൽ നിന്ന് 2024-25 ൽ 2.12% ആയി ഉയർന്നു. നിരന്തരം ധനകമ്മി വർധിക്കുന്ന പ്രവണത സംസ്ഥാനത്ത് വലിയ സാമ്പത്തിക പ്രതിസന്ധിയിലേക്ക് നയിക്കും. ഇതിൽ അടിയന്തര ശ്രദ്ധ ആവശ്യമുള്ളതായും റിപ്പോർട്ട് പറയുന്നു. ചെലവ് വിഹിതത്തിൽ വിഷമകരമായ രീതി പ്രകടമാണ്. മൂലധനച്ചെലവിൽ 10% മാത്രം ഒഴികെ ഏകദേശം 90% റവന്യൂ ചെലവിലേക്കാണ് നയിക്കപ്പെടുന്നത്.
ഈ അസന്തുലിതാവസ്ഥ നിർണായക അടിസ്ഥാന സൗകര്യ വികസനത്തെ അവഗണിക്കുന്നതിനെക്കുറിച്ചുള്ള ആശങ്കകൾ ഉയർത്തുന്നു, ഇത് ധനകമ്മി വർദ്ധിപ്പിക്കുന്നു.
പിപിആർസിയുടെ റിപ്പോർട്ട് കാണിക്കുന്നത് സംസ്ഥാനത്തിൻ്റെ സാമ്പത്തിക പ്രതിസന്ധികൾ വർധിപ്പിക്കുന്നത് പൊതുകടത്തിൻ്റെ ക്രമാനുഗതമായ വർധനയാണ്. 2016-17ൽ 17,926.14 കോടി രൂപയായിരുന്നത് 2024-25ൽ 35,988.28 കോടി രൂപയായി. ഇത് വായ്പയെടുക്കുന്നതിൽ വിവേകപൂർണ്ണമായ സാമ്പത്തിക അച്ചടക്കത്തിൻ്റെ ആവശ്യകതയെ അടിവരയിടുന്നു.
കുടിശ്ശികയുള്ള കടം 154.47% വർദ്ധിച്ചു എന്നത് ശ്രദ്ധേയമാണ്.
2016-17 മുതൽ 2024-25 വരെ, കേരളത്തിൻ്റെ സാമ്പത്തിക രംഗത്തിൻ്റെ ഭീകരമായ ചിത്രമാണ് വരച്ചുകാട്ടുന്നത്. കൂടാതെ,
വിദ്യാഭ്യാസം, ആരോഗ്യം, കൃഷി, തുടങ്ങിയ നിർണായക മേഖലകൾക്കുള്ള ബജറ്റ് വിഹിതത്തിൽ കുറവ് കേരളത്തിൻ്റെ സാമൂഹിക ക്ഷേമത്തിനും സാമ്പത്തിക വളർച്ചയ്ക്കും കാര്യമായ ഭീഷണി ഉയർത്തുന്നു.
കേന്ദ്രനികുതിയുടെ കേരളത്തിൻ്റെ വിഹിതം ഗണ്യമായി വർധിച്ചിട്ടുണ്ടെന്നത്, പ്രധാനമന്ത്രി മോദിയുടെ നേതൃത്വത്തിലുള്ള കേന്ദ്രസർക്കാരിൽ നിന്ന് സംസ്ഥാനത്തിന് വർദ്ധിച്ചുവരുന്ന പിന്തുണയുടെ സൂചനയായി ഡോ. സുമീത് ഭാസിൻ പറഞ്ഞു.
ഒരിക്കൽ “ദൈവത്തിൻ്റെ സ്വന്തം നാട്” എന്ന് വാഴ്ത്തപ്പെട്ട കേരളം, പിപിആർസി റിപ്പോർട്ട് പ്രകാരം കുറ്റകൃത്യങ്ങളുടെയും അക്രമങ്ങളുടെയും അസ്വസ്ഥജനകമായ തലത്തിലേക്ക് നീങ്ങുകയാണ്. ബിജെപി നേതാവിനെ കൊലപ്പെടുത്തിയ കേസിൽ 15 പേർക്ക് വധശിക്ഷ വിധിച്ചതുപോലുള്ള സമീപകാല സംഭവങ്ങൾ, സ്ഥിതിഗതികളുടെ തീവ്രത ഉയർത്തിക്കാട്ടുന്നതാണ്. പിണറായി വിജയൻ്റെ ആദ്യ ഭരണകാലത്ത് 32 രാഷ്ട്രീയ കൊലപാതകങ്ങൾ റിപ്പോർട്ട് ചെയ്യപ്പെട്ടത് സംസ്ഥാനത്ത് വ്യാപകമായ അക്രമ സ്വഭാവത്തിന് അടിവരയിടുന്നതായി ഡോ. സുമീത് ഭാസിൻ കൂട്ടിച്ചേർത്തു. കൂടാതെ, ഭയാനകമായ സ്ഥിതിവിവരക്കണക്കുകൾ മയക്കുമരുന്നുമായി ബന്ധപ്പെട്ട കുറ്റകൃത്യങ്ങളുടെ വർദ്ധനവ് വെളിപ്പെടുത്തുന്നു, എൻഡിപിഎസ് നിയമപ്രകാരമുള്ള ശിക്ഷകൾ അഭൂതപൂർവമായ തലത്തിലെത്തി. നിർഭാഗ്യവശാൽ, സ്ത്രീകൾക്കെതിരായ കുറ്റകൃത്യങ്ങളും വർധിച്ചുവരികയാണ്, 2020 നും 2022 നും ഇടയിൽ 39,000 കേസുകൾ രജിസ്റ്റർ ചെയ്തു, ഇത് കേരളത്തിൻ്റെ സൽപ്പേരിന് കൂടുതൽ കളങ്കമുണ്ടാക്കുന്നു.
ആരോഗ്യമേഖലയിലേക്ക് ശ്രദ്ധ കേന്ദ്രീകരിച്ചാൻ ആശുപത്രികൾക്ക് 1,128 കോടി കുടിശ്ശികയുള്ള കടബാധ്യതകളും അവശ്യമരുന്നുകളുടെയും മെഡിക്കൽ സപ്ലൈകളുടെയും രൂക്ഷമായ ക്ഷാമവും ഉൾപ്പെടെ എണ്ണമറ്റ വെല്ലുവിളികൾ കേരളം അഭിമുഖീകരിക്കുന്നു. സർക്കാർ ആശുപത്രികളിലെ പോരായ്മകൾ കാരണം രോഗികൾ സ്വകാര്യ ആശുപത്രികളിൽ ചികിത്സ തേടാൻ നിർബന്ധിതരാകുന്നു. ഭയാനകമായി, വാക്സിനേഷൻ നിരക്ക് കുറഞ്ഞു, കുട്ടികൾക്കിടയിലെ വളർച്ച മുരടിപ്പും വിളർച്ചയും വർദ്ധിച്ചുകൊണ്ടിരിക്കുന്നു, ഇത് ആരോഗ്യ സൂചകങ്ങൾ വഷളാകുന്നതിനെ സൂചിപ്പിക്കുന്നു. കാർഷികമേഖലയിൽ, റാഗി, ജോവർ, ചെറുകിട തിന മുതലായവയുടെ ഉത്പാദനം കുറഞ്ഞു, അതേസമയം തെങ്ങ്, ഇഞ്ചി, വെളുത്തുള്ളി കൃഷി, പുതിയ പഴങ്ങൾ, പയർവർഗ്ഗങ്ങൾ, പച്ചക്കറികൾ മുതലായവയുടെ വിസ്തൃതി ഗണ്യമായി കുറഞ്ഞു. 2022-23ൽ കേരളം നെല്ല് സംഭരണ ഇൻസെൻ്റീവ് ബോണസ് 860 രൂപയിൽ നിന്ന് ക്വിൻ്റലിന് 780 രൂപയായി കുറച്ചു. മോദി സർക്കാർ എംഎസ്പി 1940 രൂപയിൽ നിന്ന് ക്വിൻ്റലിന് 2,040 രൂപ വർധിപ്പിച്ചു.
മോദി സർക്കാർ മിനിമം താങ്ങുവില വർധിപ്പിച്ചിട്ടും കേരള സർക്കാരിൻ്റെ സംഭരണത്തിലെ കുറവ് കർഷകർക്ക് കാര്യമായ വെല്ലുവിളികൾ ഉയർത്തുന്നു.
* സംസ്ഥാനം ക്രമേണ അധിക കടബാധ്യതയിലേക്ക് നീങ്ങുകയാണെന്നാണ് കേരളത്തിൻ്റെ ധനസൂചികകൾ നൽകുന്ന സൂചന
* കേരളത്തിൻ്റെ ധനക്കമ്മി 2022-23ൽ 2.44% ആയിരുന്നത് 2024-25ൽ 3.40% ആയി ഉയർന്നപ്പോൾ റവന്യൂ കമ്മി 2022-23ൽ 0.88% ആയിരുന്നത് 2024-25ൽ 2.12% ആയി ഉയർന്നു.
* കേരളത്തിൻ്റെ പൊതുകടം 2016-17ൽ 17,926 കോടി രൂപയായിരുന്നത് 2024-25 ൽ 35,988 കോടിയായി വർധിക്കും. ഇത് കടമെടുപ്പ് ഫണ്ടുകളെ സംസ്ഥാന സർക്കാർ അമിതമായി ആശ്രയിക്കുന്നതിനെയാണ് പ്രതിഫലിപ്പിക്കുന്നത്.
* 2016-17 മുതൽ 2024-25 വരെയുള്ള കാലയളവിൽ സംസ്ഥാനത്തിൻ്റെ മൊത്തം കുടിശ്ശിക കടം 150 ശതമാനത്തിലധികം വർധിക്കുന്നതായാണ് കാണുന്നത്.
* അതേസമയം, കേന്ദ്രനികുതിയിൽ സംസ്ഥാനത്തിൻ്റെ വിഹിതം ഗണ്യമായി ഉയർന്നു. 2014-15ൽ 7,926 കോടി രൂപയായിരുന്നത് 2024-25ൽ 23,882 കോടിയായി.
* കേരളത്തിലെ ക്രമസമാധാനനില നിരന്തരം വഷളായിക്കൊണ്ടിരിക്കുകയാണ്, മയക്കുമരുന്നുമായി ബന്ധപ്പെട്ട കേസുകളിൽ 24,000-ലധികം ശിക്ഷാവിധികളും 2020 നും 2022 നും ഇടയിൽ സ്ത്രീകൾക്കെതിരായ കുറ്റകൃത്യങ്ങളിൽ 39,000 കേസുകളും രജിസ്റ്റർ ചെയ്തിട്ടുണ്ട്.
* രാജ്യത്ത് പിടികൂടിയ സ്വർണ കള്ളക്കടത്തിൽ ഒന്നാം സ്ഥാനത്താണ് കേരളം, പ്രതിവർഷം 47 ശതമാനമാണ്. അത് 2022-ൽ വീണ്ടും വർധിച്ചു.
* കേരളത്തിലെ ആരോഗ്യ സംരക്ഷണം പ്രതിസന്ധിയിലാണ്, സർക്കാർ, സ്വകാര്യ ആശുപത്രികൾക്ക് 1,100 കോടിയിലധികം രൂപ സംസ്ഥാന സർക്കാർ കൊടുത്തു തീർക്കാനുണ്ട്.
* ഇന്ത്യയിൽ ആരോഗ്യ സംരക്ഷണത്തിനായി ഏറ്റവും കൂടുതൽ ഔട്ട് ഓഫ് പോക്കറ്റ് തുക ചെലവഴിക്കുന്ന സംസ്ഥാനമാണ് കേരളം.
എൻ എഫ് എച്ച് എസ് -5 ഡാറ്റ അനുസരിച്ച്, 12-23 മാസം പ്രായമുള്ള പൂർണ്ണമായും വാക്സിനേഷൻ എടുത്ത കുട്ടികളുടെ അനുപാതം കുറഞ്ഞു, അതേസമയം 5 വയസ്സിന് താഴെയുള്ള പോഷകാഹാര കുറവുള്ള കുട്ടികളുടെ ശതമാനം കേരളത്തിൽ വർദ്ധിച്ചു.
* കാർഷിക മേഖലയിൽ ആശങ്കൾ വർധിച്ചു വരികയാണ്. കൃഷിയിടങളുടെ വിസ്തൃതിയും ജലസേചന സൗകര്യവും കുറഞ്ഞു. കൃഷിഭൂമിയുള്ളവരുടെ എണ്ണവും നാമമാത്രമായി.
* കൂടാതെ, അവശ്യ മില്ലറ്റുകളുടെ ഉത്പാദനം കുറഞ്ഞു, കൂടാതെ സംസ്ഥാനത്ത് തേങ്ങ ഇഞ്ചി, ഹോർട്ടികൾച്ചർ ഉൽപന്നങ്ങൾ, പച്ചക്കറികൾ എന്നിവയുടെ കൃഷിയിലും കുറവുണ്ടായി.