28/1/23
തിരുവനന്തപുരം: സസ്ഥാനത്തെ ബജറ്റില്‍ ന്യായമായ നികുതി വര്‍ധനവുണ്ടാകുമെന്ന് ധനമന്ത്രി കെ എന്‍ ബാലഗോപാല്‍. കേന്ദ്രത്തില്‍ നിന്നും അര്‍ഹമായ നികുതി വിഹിതം കിട്ടുന്നില്ല.പൊതുമേഖലാ സ്ഥാപനങ്ങള്‍ വില്‍ക്കാനാണ് കേന്ദ്രം പറയുന്നത്.കേരളത്തിന് എയിംസും ആധുനിക സംവിധാനങ്ങളും വേണമെന്ന് ധനമന്ത്രി വ്യക്തമാക്കി.കേരളത്തിന്റെ എല്ലാ മേഖലയിലും പുരോഗതി ഉണ്ടാക്കാന്‍ പറ്റുന്ന കാര്യങ്ങളാകും ബജറ്റില്‍ ഉണ്ടാകുകയെന്നും ധനമന്ത്രി പറഞ്ഞു.
അതേസമയം കിഫ്ബിയുടെ പ്രവര്‍ത്തനത്തെ ശ്വാസംമുട്ടിക്കുന്നതാണ് കേന്ദ്ര സമീപനം.ഭരണപരമായ കാര്യക്ഷമത വര്‍ധിപ്പിച്ച്‌ ജനങ്ങളെല്ലാം ചേര്‍ന്ന് പ്രവര്‍ത്തിച്ചാല്‍ പ്രശ്നങ്ങള്‍ മറികടക്കാന്‍ കഴിയുമെന്നാണ് വിശ്വാസമെന്നും ധനമന്ത്രി പറഞ്ഞു.