ഷൊര്‍ണൂര്‍ റെയില്‍വേ സ്റ്റേഷനില്‍ ഇന്ന് അമൃത എക്‌സ്പ്രസിന്റെ അവസാന ഓട്ടം1 min read

പാലക്കാട്: ഷൊര്‍ണൂര്‍ റെയില്‍വേ സ്റ്റേഷനില്‍ പ്രവേശിച്ചുള്ള അമൃത എക്‌സ്പ്രസിന്റെ അവസാന ഓട്ടമാണ് ഇന്ന്. നാളെ മുതല്‍ അമൃത എക്‌സ്പ്രസ് വയാലിംഗ് വഴി ഷൊര്‍ണൂരില്‍ വരാതെ പഴനിയിലേക്ക് പോകും.

ഷൊര്‍ണൂര്‍ ജംഗ്ഷന്റെ പ്രസക്തി നഷ്ടപ്പെടുത്തുന്ന തരത്തിലുള്ള ട്രെയിന്‍ മാറ്റല്‍ റെയില്‍വേ വര്‍ഷങ്ങളായി തുടര്‍ന്നുവരുന്നു.

എന്നാല്‍ ഷൊര്‍ണൂരിന്റ പ്രസക്തി നഷ്ടപ്പെടുന്നില്ലെന്നും വരാന്‍ പോകുന്നത് കൂടുതല്‍ ട്രെയിനുകളാണെന്നുമാണ് റെയില്‍വേയില്‍ നിന്നുള്ള സൂചന. മെമു ട്രെയിനുകള്‍ കൂടുതലായി ഓടുമെന്നും അതോടെ ഷൊര്‍ണൂരില്‍ സമയ പ്രശ്‌നം മാറുമെന്നുമാണ് അറിയുന്നത്. മെമു ട്രെയിനുകള്‍ക്ക് രണ്ട് ഭാഗത്തേക്കും ഒരേ പോലെ പോകാനാകും. ഇതോടെ എന്‍ജിന്‍ മാറ്റേണ്ട പ്രശ്‌നം വരുന്നില്ല.

ഒ.രാജഗോപാല്‍ റെയില്‍വേ മന്ത്രിയായിരുന്നപ്പോള്‍ തിരുവനന്തപുരം പാലക്കാട് ടൗണ്‍ ന് അമൃത എക്‌സ്പ്രസ് അനുവദിക്കുകയായിരുന്നു. പിന്നീട് ഇത് പാലക്കാട്ട് നിന്ന് പഴനി വഴി മധുര വരെ നീട്ടി.

നിലവില്‍ അമൃത ഷൊര്‍ണൂരിലെത്തി രണ്ടായി പോകുകയായിരുന്നു. ഒരു ഭാഗം രാജ്യറാണി എക്‌സ്പ്രസായി നിലമ്ബൂരിലേക്കും, ഒരു ഭാഗം പാലക്കാട് വഴി പഴനി – മധുരയിലേക്കും.

ട്രെയിന്‍ രാവിലെ അഞ്ച് മണിക്കാണ് ഷൊര്‍ണൂര്‍ റെയില്‍വേ സ്റ്റേഷനിലെത്തിയിരുന്നത്. എന്നാല്‍ നിലമ്ബൂര്‍ വരെ പോകുന്ന ട്രെയിന്‍ തിരുവനന്തപുരം നിലമ്ബൂര്‍ ആയി തുടരും.

എന്നാല്‍ പഴനി, മധുര വരെ പോകുന്ന ട്രെയിന്‍ തിരുവനന്തപുരം മധുര വരെ തന്നെയാണെങ്കിലും ഷൊര്‍ണൂര്‍ റെയില്‍വേ സ്റ്റേഷനില്‍ വരാതെയായിരിക്കും നാളെ മുതല്‍ പോവുക.

Leave a Reply

Your email address will not be published. Required fields are marked *