കേരളത്തിലെ ചുവർ ചിത്രകലാരംഗത്തെ പ്രധാനിയായിരുന്നു മമ്മിയൂർ കൃഷ്ണൻകുട്ടിനായർ ചുവർചിത്രകലയുടെ കേരളത്തനിമയും ശൈലിയും പിന്തുടർന്ന മമ്മിയൂർ പ്രകൃതിദത്ത നിറങ്ങളുപയോഗിച്ച് പാരമ്പര്യ രീതിയിൽ നിരവധി ക്ഷേത്രങ്ങളിൽ ചുവർ ചിത്രരചന നടത്തിയിട്ടുണ്ട്.ശ്രീചിത്രാ എൻക്ലേവിൽ മമ്മിയൂരിൻ്റെ നേതൃത്വത്തിൽ “ശ്രീചിത്തിരതിരുനാളിൻ്റെ എഴുന്നള്ളത്ത് ” എന്ന ചിത്രവും വരച്ചു.ഗുരുവായൂർ ദേവസ്വം മ്യൂറൽ പെയിൻ്റിംഗ് ഇൻസ്റ്റിറ്റ്യൂട്ട് സ്ഥാപകനാണ്. 1917-ൽ ക്ഷേത്ര നഗരമായ ഗുരുവായൂരിനടുത്ത മമ്മിയൂരിൽ രാമകൃഷ്ണൻ എമ്പ്രാന്തിരിയുടെയും ജാനകി അമ്മയുടെയും മകനായി ജനിച്ചു.ഇദ്ദേഹത്തിൻ്റെ മേൽനോട്ടത്തിൽ ഗുരുവായൂർ ദേവസ്വം ബോർഡ് സ്ഥാപിച്ച ചുവർ ചിത്ര പഠനകേന്ദ്രം നിരവധി പേർക്ക് ചുവർചിത്ര രചനയിൽ പരിശീലനം നൽകി. അഗ്നിബാധയിൽ നശിച്ച ഗുരുവായൂരിലെ “അനന്തശയനം ചുവർചിത്രം ” മമ്മിയൂർ കൃഷ്ണൻകുട്ടി നായരുടെ ശിഷ്യന്മാർ ചേർന്നാണ് പുനരുദ്ധരിച്ചത്.1981-ൽ കേന്ദ്ര സാംസ്കാരിക വകുപ്പിൻ്റെ ഫെല്ലോഷിപ്പ് മമ്മിയൂർ കൃഷ്ണൻകുട്ടി നായർക്ക് ലഭിച്ചു.ഗുരുവായൂർ ക്ഷേത്രം, ശ്രീപത്മനാഭ സ്വാമി ക്ഷേത്രം, വടകര ലോകനാർക്കാവ് ക്ഷേത്രം.
.. എന്നിവ ശ്രദ്ധേയരചനകൾആണ് 1994 ജൂലൈ 19-ാം തീയതി മമ്മിയൂർ കൃഷ്ണൻകുട്ടി നായർ അന്തരിച്ചു.
2024-07-19