17/10/22
തിരുവനന്തപുരം :സംസ്ഥാനത്തെ 250 സ്കൂളുകൾ ലഹരി മാഫിയ ലക്ഷ്യം വയ്ക്കുന്നെന്ന് എക്സ്സൈസ് ഇന്റലിജന്റ്സ് റിപ്പോർട്ട്
ലഹരി ഉപയോഗത്തിന്റെയും ലഹരി സംഘങ്ങളുമായുള്ള സമ്പർക്കത്തിന്റെയും അടിസ്ഥാനത്തിലാണ് പ്രശ്നസാധ്യതാ സ്കൂളുകളെ ക്രമപ്പെടുത്തിയത്. ഇതേതുടര്‍ന്ന്, ഈ സ്കൂളുകളില്‍ ഇടക്കിടെ മിന്നല്‍ പരിശോധന നടത്താന്‍ എക്സൈസ് കമ്മിഷണര്‍ നിര്‍ദേശം നല്‍കി.
മിന്നല്‍ പരിശോധന സ്കൂള്‍ അധികൃതരെ അറിയിക്കും. എന്നാല്‍, ദിവസം, സമയം എന്നിവ അറിയിക്കില്ല. ഈ സ്കൂളുകളുടെ പരിസരങ്ങളില്‍ ബൈക്ക് പട്രോളിങ് നടത്തും.
ബസ് കാത്തിരിപ്പുകേന്ദ്രം, ഇന്റര്‍നെറ്റ് കഫേ, ജ്യൂസ് പാര്‍ലറുകള്‍ തുടങ്ങിയ സ്ഥലങ്ങളിലും പട്രോളിങ് ഉണ്ടാകും.
പ്രശ്നസാധ്യത സ്കൂളുകളുടെ എണ്ണം
തിരുവനന്തപുരം: 25
കൊല്ലം: 39
പത്തനംതിട്ട: 22
ആലപ്പുഴ: 22
കോട്ടയം: 14
ഇടുക്കി: 18
എറണാകുളം: 13
തൃശൂര്‍: 28
പാലക്കാട്: 14
മലപ്പുറം: 15
കോഴിക്കോട്: 12
വയനാട്: 11
കണ്ണൂര്‍: 10
കാസര്‍കോട്: 7