1/2/23
ഡൽഹി :സ്ത്രീകൾക്കും, പെൺകുട്ടികൾക്കും പ്രത്യേക നിക്ഷേപ പദ്ധതികളും, റെയിൽവേക്ക് 2.40ലക്ഷം കോടിയും, ഗോത്ര വിഭാഗങ്ങൾക്ക് 15000കോടി യുടെ പദ്ധതികളും പ്രഖ്യാപിച്ചു കൊണ്ടുള്ള കേന്ദ്ര ബജറ്റ് നിർമല സീതാരാമൻ പ്രഖ്യാപിച്ചു.
കൂടാതെആദായ നികുതി പരിധി ഉയർത്തിയതും പ്രധാന പ്രഖ്യാപനമായി.നേരത്തെ 5 ലക്ഷമായിരുന്ന പരിധിയാണ് പുതിയ ബജറ്റോട് 7 ലക്ഷമാക്കി ഉയര്‍ത്തിയത്. ‘2.5 ലക്ഷം രൂപ മുതല്‍ 6 വരുമാന പരിധികളുള്ള നികുതി സ്ലാബുകളുള്ള പുതിയ വ്യക്തിഗത ആദായ നികുതി വ്യവസ്ഥ 2020 ല്‍ അവതരിപ്പിച്ചിരുന്നു. സ്ലാബുകളുടെ എണ്ണം 5 ആക്കി കുറയ്ക്കുകയും നികുതി ഇളവ് പരിധി 3 ലക്ഷം രൂപയായി ഉയര്‍ത്തുകയും ചെയ്തുകൊണ്ട് ഈ ഭരണത്തില്‍ നികുതി ഘടന മാറ്റാന്‍ ഞാന്‍ നിര്‍ദ്ദേശിക്കുന്നു’ ധനമന്ത്രി നിര്‍മ്മല സീതാരാമന്‍ പറഞ്ഞു.
0-3 ലക്ഷം രൂപയുടെ വരുമാനമുള്ളവര്‍ നികുതി നല്‍കേണ്ടതില്ല. 3 ലക്ഷം രൂപയില്‍ കൂടുതലും 5 ലക്ഷം രൂപ വരെയുള്ള വരുമാനവും പുതിയ ഭരണത്തിന് കീഴില്‍ 5% നികുതി നല്‍കണം. 6 ലക്ഷം രൂപയ്ക്കും 9 ലക്ഷം രൂപയ്ക്കും മുകളിലുള്ള വരുമാനത്തിന് പുതിയ ഭരണത്തിന് കീഴില്‍ 10% നികുതി നല്‍കണം. 12 ലക്ഷം രൂപയില്‍ കൂടുതലും 15 ലക്ഷം രൂപ വരെയുള്ള വരുമാനവും പുതിയ ഭരണത്തിന് കീഴില്‍ 20% നികുതി നല്‍കണം. 15 ലക്ഷത്തിന് മുകളിലുള്ള വരുമാനത്തിന് 30% നികുതി നല്‍കണം എന്നതരത്തിലാ പുതിയ സ്ലാബുകള്‍.
കേന്ദ്ര സര്‍ക്കാര്‍ പുതിയ ബജറ്റ് പ്രഖ്യാപിക്കുമ്പോൾ ഏറ്റവും കൂടുതല്‍ പ്രതീക്ഷ വെച്ച്‌ പുലര്‍ത്തിയിരുന്നത് നികുതിദായകരായ ശമ്പളമുള്ള പ്രൊഫഷണലുകളായിരുന്നു. അവശ്യസാധനങ്ങളുടെ വിലക്കയറ്റവും ഇന്ധനവിലക്കയറ്റവും ഏറ്റവും കൂടുതല്‍ ബാധിച്ചത് ഇടത്തരക്കാരെയാണ്. ഇടത്തരക്കാര്‍ക്ക് ആവശ്യമായ ആശ്വാസം നല്‍കുന്നതിനായി ധനമന്ത്രി ആദായനികുതി സ്ലാബുകളില്‍ മാറ്റം വരുത്തിയേക്കുമെന്ന പ്രതീക്ഷകളും ബജറ്റിന് മുന്നോടിയായി ഉണ്ടായിരുന്നു. ഈ പ്രതീക്ഷ തെറ്റിയില്ലെന്ന് പ്രഖ്യാപിച്ചുകൊണ്ടാണ് ബജറ്റിലെ നിര്‍ണ്ണായക പ്രഖ്യാപനം വന്നിരിക്കുന്നത്. അടുത്തിടെ, താന്‍ ഒരു മധ്യവര്‍ഗമായാണ് സ്വയം തിരിച്ചറിയുന്നതെന്നും വിഭാഗം നേരിടുന്ന സമ്മര്‍ദ്ദം മനസ്സിലാക്കുന്നുണ്ടെന്നും സീതാരാമന്‍ പറഞ്ഞിരുന്നു.
അതേസമയം, ലിഥിയം അയണ്‍ ബാറ്ററി, മൊബൈല്‍ ഫോണ്‍ ഘടകങ്ങള്‍, ടിവി പാനലുകള്‍, ക്യാമറ, ഇലക്‌ട്രിക് ചിമ്മിനി, ഹീറ്റ് കോയില്‍ എന്നിവയുടെ വിലകുറയും. വൈദ്യുതി വാഹനങ്ങളില്‍ ഉപയോഗിക്കുന്ന ബാറ്ററികള്‍ക്കും നികുതി ഇളവ് പ്രഖ്യാപിച്ചിട്ടുണ്ട്. എന്നാല്‍ സ്വര്‍ണം, വെള്ളി, ഡയമണ്ട്, വസ്ത്രം, സിഗരറ്റ് എന്നിവയുടെ വില കൂടും.